Bah ! Oubie dezir qu’hai lus que dizen que lus sploradores Cicuiranus son grandes bebedores de “Super Bock” y qu’anté tenemus patruciniu deilles....
29/09/08
Patrucinador de lus sploradores...
26/09/08
Cerradus abiêrtus (solu para ti)...
24/09/08
Caballeirus d’outrus tiêmpus
La parba
19/09/08
Puxa, puxa que te stas a anxurdecer !
A dreites !
16/09/08
15/09/08
Restrollus de Paradela
An Paradela tamiên ya la segada fui, solu al restrollu mana. Dessa tiêrra ya qu’un fame d’auga y d’amor de lus que la traballan.
10/09/08
09/09/08
Mas ũa vuôltica pur Paradela
Nun hai quiên diga, mas pu’la raya las couźas son algu mas cumplicadas que pu’la strada ya que d’alguns caminus nun son mas uźadus y perden-se antre las xaras, las urzes y lus carrascus. Y pra mas solu yêra monte... y nada de prainu !
Al tirar a la dreita, an frente staba Castru, eilli a la borda dal Duiru, you anté tenie ganas d’ir alla mas David ya staba algu assustadicu pu’la caminada y las rudeiras que pur fin siêmpre s’iban a perder n’ũa urzeira.
Passemus anton pur un caminu ya mui azelhiçadu pul tiêmpu… y cheguemus a ũa llagona que supongu que las pessonas de Paradela guardan biên an segredu. Ya que l’auga staba caliênte cum la braźa ! Tomar eilli bañu nun debe de ser ruin !
Al s’acunchegar an Paradela, açpuis d’haber chubidu un monte siên fin miremus al para tras y viêmus la Lluç, eilli al loinge, ya tan pequeiña, pur’eilli habiêmus passadu nos !
An Paradela hai palumbares biên purreirus todus renuvadus y brancus cum la niêbe. Al passar pul bar, la fame staba a la puôrta de la boca, yêra tiêmpu de quemer algu. Y fui ũa caxa anteira d’aqueillas galletas dal surtidu de la “Cuitara” qu’angulipémus an poucus minutus, y mas uns çemulicus, ya la barriya staba biên chena. Ya pronta pa’la caminada an vuôlta pra Cicuiru…